ଜଗନ୍ନାଥ ଧାମ, ପୁରୀ

ଜଗନ୍ନାଥ ଧାମର କିଛି ଫୋଟୋକୁ ନେଇ ଏଥରର ବ୍ଲଗ..
Jagannatha Dham, Puri, Odisha. Some random clicks..

[ The day begins.. Meghanada Pacheri, Side wall of Jagannath Temple ]

[ Preparation for MahaPrasad - Man carrying Earthen pots known as Kudua..]

[Different colored Sweets near Bada Danda, Puri]

[ Cows in street. Common scene in Puri..]

[ Khaja/Pheni - Puri trip is incomplete without these sweet items ]

[Puri Gamuchha - Towels ]

[Street food - Bara, Piaji.. ]

[Puri Sea beach ]

                            [Jagannatha Temple, Side view]

[Back to Bhubaneswar..]

#ରଥଯାତ୍ରାପୁରୀ

#RathYatraPuri  | ଯେଉଁ ମାନେ ଟୁଇଟର (twitter) ସହ ସମ୍ପୃକ୍ତ ସେମାନେ ଏମିତି ନାଁ ସହ ସୁପରିଚିତ | ଅନ୍ୟ ମାନଂକ ପାଇଁ କହିରଖେ, ଏ ହେଉଛି hashtag ଯାହା ଦ୍ବାରା ସୋସିଆଲ ମିଡ଼ିଆରେ ଗୋଟେ ବିଷୟ ଖୋଜିବା (search) ସହଜ ହୋଇଥାଏ | ବହୁ ଲୋକ ଗୋଟାଏ ବିଷୟରେ ଏକା ସମୟରେ  ଟୁଇଟ କଲେ ତାହା ଟ୍ରେଣ୍ଡ (trend) ହୋଇଯାଏ | ସର୍ବଶ୍ରେଷ୍ଠ ଦଶ ଟ୍ରେଣ୍ଡ କୁ ଦେଖି  ସେ ସମୟରେ ସୋସିଆଲ ମିଡ଼ିଆରେ କଣ ଚାଲିଛି ତାହା ଜଣା ପଡିଥାଏ |

ହାତ ଗଣତି କିଛି ଓଡ଼ିଆଙ୍କୁ ନେଇ ଆମ ଟୁଇଟର ଜଗତ | ଅନେକ ସମୟରେ ଆମେ ଟୁଇଟରରେ ଚେଷ୍ଟାକରୁ ଓଡ଼ିଶା କୁ ନେଇ କିଛି ଗୋଟେ ଟ୍ରେଣ୍ଡ କରିବାକୁ | କିନ୍ତୁ ସଂଖ୍ୟା ର ଅଭାବ | ଅନ୍ୟମାନେ ସେମାନଂକ କଳା, ସଂସ୍କୃତି କୁ ସାରା ବିଶ୍ବ ଆଗରେ ଉପସ୍ଥାପିତ କରୁଥିବା ବେଳେ ଆମେ ପଛରେ ପଡିଯାଉ | ଉତ୍କଳ ଦିବସ ରେ ବହୁ ଚେଷ୍ଟାକରି ବି ଆମେ ସଫଳ ହେଲୁନାହିଁ ଓଡ଼ିଶା କୁ ଟ୍ରେଣ୍ଡ କରିବାକୁ | ଶେଷରେ ଆମେ ସଫଳ ହେଲୁ ଆମ କଳା ଠାକୁରଂକ ରଥଯାତ୍ରା କୁ ଟ୍ରେଣ୍ଡ କରିବାରେ |

2014 ରଥଯାତ୍ରା ର କିଛି ଅନାବନା (random) ଟୁଇଟ କୁ ନେଇ ଏ ବ୍ଲଗ |

Devasis Sarangi ‏@devasissarangi  Jun 28

Rare old map b4 circa1800 showing Jagannath pagoda #RathYatraPuri

Baijayant Jay Panda ‏@PandaJay  Jun 28
It's here! The originial, the biggest, the best! Happy Ratha Jatra, may Lord #Jagannath bless you and your loved ones #RathYatraPuri

Sambit Patra ‏@sambitswaraj  Jun 28

The Rath Yatra of Jagannath dates back to the Period of the PURANAS ..the Brahma Purana,Padma Purana,Skanda Purana mention it #RathYatraPuri

Saswat K Swain ‏@saswat28  Jun 28

Such beautiful relationship between Lord & Devotee! You can see this only in #RathYatraPuri #Odisha

Amrita Sabat ‏@rocking_amsa  Jun 28

Jagannatha Swamy Nayana Patha Gaami...Bhava Tumey! Jay Jagannath! #RathYatraPuri It's d day when our beloved Lord goes on his annual outing!

Dr Sunita ‏@DrSunitaMishra  Jun 28

Ki sundara besha mo Kalia Kanhu ra dekha Saaji hei chalile bada bhai o bhauni sahita:) #RathYatraPuri #Odisha

Anita ‏@anitaexplorer  Jun 28

"Jagannatha is the ocean of mercy & the true friend of all the worlds." - Adi Shankaracharya #RathYatraPuri

Parnini ‏@BrownEyedWords  Jun 28

Cherra Pahanra starts :) An age old tradition of the king sweeping the chariot before it is pulled. #RathYatraPuri

Pratik Prasenjit ‏@pratikprasenjit  Jun 28

Sankaracharya skips his customary ritual of mounting on chariots and venerating The Trinity. Black day for Jagannath culture. #RathYatraPuri

Abhishek Sāmal ‏@abhiertigibbet  Jun 28

Homesickness reaches peak on occasions like Rath Jatra. You have to be an NRO - Non-resident Odia to actually feel the agony #RathYatrapuri

Aditya Mahar ‏@AadityaMahar  Jun 28

ଆଗେ ଚଳେ ବଳଭଦ୍ର ମଧ୍ୟେ ଚାନ୍ଦ ମୁହିଁରେ... ପଛେ ଆସୁଛି କାଳିଆ ଗହଳ ଲଗାଇ... #RathYatraPuri #Odia #Live

Pratyasha Rath ‏@pratyasharath  Jun 28

My Mom used 2 tell me #RathYatraPuri shows us how entrenched Rashtra Dharma is in Sanatani traditions. King sweeps the chariots of deities.

Ratnakar Sadasyula ‏@ScorpiusMaximus  Jun 28

Darpadalana is guarded by Jayadurga, and the charioteer is Arjuna, Flag is called Nadambika #RathYatraPuri

ନିହାର କୁମାର ଦଳାଇ ‏@kumarnihar  Jun 28

Hey @e_chitrakar, ଭାଇନା ହୋ, #RathYatraPuri ଭିଡ଼ ରେ ହଜିଗଲ କି ?? କାହିଁ ଦିଶୁନା ??

କୁମାରିକା ‏@kumariika  Jun 28

#RathYatraPuri Rourkela Rath Yatra.

ଅଖିଳ ପାଢୀ™ ‏@AkhilaPadhi  Jun 28

ସର୍ବ ଆତ୍ମ ନନ୍ଦିଘୋଷ ବିଜେ ତହିଁ ଜଗନ୍ନାଥ ଜୀବନ ବଡ଼ ଦାଣ୍ଡ ରେ ନୀତି ଚାଲେ ରଥ ଯାତ | #RathYatraPuri

Saisree ‏@DrSaisree  Jun 28

1)Raja of Puri, Gajapati Maharaj, head of the temple Mngmnt, performs the duties of a sweeper, Chera Pohara, on the chariot. #RathYatraPuri

Chittaranjan Kar ‏@chittrakar  Jun 28

ରଥଯାତ୍ରା ପୁରୀ : ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥରେ ବ୍ୟବହୃତ କାଠର ସଂଖ୍ୟା ୭୪୨ ଖଣ୍ଡ #RathYatraPuri #RathYatraPuri

Sambit Dash ‏@sambit_dash  Jun 28

That first view of Jagannath... The 'taahia' swaying back and forth is one of the greatest spectacle, moves people to tears.. #RathYatraPuri

PURIWAVES ‏@PURIWAVES  Jun 28

Presiding Deities TALADHWAJA Ratha Ganesh, Kartikeya, Sarvamangala,Pralambari..#RathYatraPuri http://bit.ly/purirathyatra 

Ranjan Nayak ‏@Ranjan_Nayak  Jun 28

Jagannath swamy nayana pathagami bhabatume #RathYatraPuri

Doordarshan National ‏@DDNational  Jun 28

Watch #RathYatraPuri #LIVE on @DDNational to know all about Jagannath temple, Car festival & Lord Jagannath. https://www.youtube.com/watch?v=xY_xARHqNMk …

Debashis Tripathy ‏@deba1602  Jun 28

Normally, He trends over hearts of Hindus in general & Odias in particular. Today Lord Jagannath trends on Twitter as well. #RathYatraPuri

Akhil Agrawal ‏@agrawalakhil  Jun 28

#RathYatraPuri top trending in India now. #JaiJagannath

Bhubaneswar Buzz ‏@BBSRBuzz  Jun 28

@sambitswaraj @PandaJay @arvindpadhee Finally we made it to top trend in #India, #RathYatraPuri . Thnx for contri

|| ଜୟ ଜଗନ୍ନାଥ ||

ଶ୍ରୀଜଗନ୍ନାଥ

ଦିନେ ଏମିତି ଅନ୍ୟମନସ୍କ ଭାବରେ ଟିଭି ରିମୋଟ ବଦଳଉ ବଦଳଉ ଅଟକିଗଲି ହଠାତ |  ଟିଭିରେ ଆସୁଥାଏ ଜଗନ୍ନାଥ ମନ୍ଦିର ର ଭିତର ବେଢା ର ଦୃଶ୍ୟ | ଭକ୍ତ ମାନଙ୍କର ଯିବା ଆସିବା ଲାଗି ରହିଥାଏ | କିଛି ପଣ୍ଡା ଛିଡାହୋଇ କଥା ହେଉଥାନ୍ତି | ମନେହେଲା କେହି ଯେମିତି ପୁରୀ ଶ୍ରୀମନ୍ଦିରର ପାଟ ଅଗଣାରୁ ତୋଳି ଆଣିଛି ଏ ଦୃଶ୍ୟ | କଥାବାର୍ତା, ଚାଲିଚଳଣ, ବେଶଭୁଷା ଆଉ ମନ୍ଦିରର ପରିବେଶ କୁ କେହି ଯେମିତି  ଅବିକଳ ଗୋଟାଇ ଆଣିଛି ନିଜ କ୍ୟାମେରାରେ | ଦେଖୁଦେଖୁ ପୁରା ଅଧ୍ୟାୟ ଟି ଦେଖିଦେଲି | କିନ୍ତୁ କାହାଣୀ କାହାକୁ ନେଇ ହୋଇଛି ତାହା ଟିକେ ବି ବୁଝା ପଡିଲା ନାହିଁ  | ଉତ୍କଂଠା ର ସହ ଅପେକ୍ଷା କରି ରହିଲି ପରଦିନର ଅଧ୍ୟାୟକୁ |

ତରଂଗ ଟିଭି ଦ୍ବାରା ପ୍ରଯୋଜିତ କଳା ଠାକୁରଙ୍କ ଉପରେ ଆଧାରିତ ମେଗା ସିରିଏଲ "ଶ୍ରୀଜଗନ୍ନାଥ" | ଜଗନ୍ନାଥଙ୍କର ଅନେକ ଜଣା ଆଉ ଅଜଣା ତଥ୍ୟ, କାହାଣୀକୁ ନେଇ ଏ ସିରିଏଲ | ଏ ଯୋଉ ଅଧ୍ୟାୟ ବାବଦରେ ମୁଁ ଲେଖୁଛି ତାହା ଗୀତ ଗୋବିନ୍ଦ ର ଲେଖକ କବି ଜୟଦେବଙ୍କ ଉପରେ ପର୍ଯ୍ୟବେଷିତ |

ଆଜିକାଲିର ଓଡିଆ ସିରିଏଲ କିମ୍ବା ଚଳଚିତ୍ର ଉପରେ କିଛି ନକହିବା ଭଲ | ଅନ୍ଧ ଭାବରେ ନକଲ କରାଯାଉଥିବା ସୃଜନଶୀଳତା ବିହିନ ଇଏ ଏକ ଶିଳ୍ପ ପରି ମନେହୁଏ | ଅଭିନୟ ଜାଗାରେ ଏଠି କଣ ଯେ ସବୁ ପ୍ରସ୍ତୁତ କରାହୁଏ, ତାହା କେବଳ ସେମାନଙ୍କୁ ଜଣା | ଏ ସିରିଏଲ ଟି ଅଚାନକ ମୋ ଦୃଷ୍ଟିକୋଣ  ବଦଳାଇ ଦେଲା | କାହାଣୀ, ସଂଳାପ, ଚରିତ୍ର, ସେଟ.. ସବୁଗୁଡିକୁ ଅତି ଗଭୀର ଭାବରେ ଅନୁଶୀଳନ କରାଯାଇଛି ଏ ସିରିଏଲ ଟି ପ୍ରସ୍ତୁତ କଲାବେଳେ | ଶ୍ରୀମନ୍ଦିର, ପାଟ ଅଗଣା, ରତ୍ନ ସିଂହାସନ, ଆଉ ରତ୍ନ ସିଂହାସନ ଉପରେ ଚତୁର୍ଧା ମୁର୍ତ୍ତୀ.. ସବୁ ଯେମିତି କାର୍ବନ କପି ଶ୍ରୀକ୍ଷେତ୍ର ର | ପଣ୍ଡା ମାନଙ୍କର ବ୍ୟବହାର, କଥାବାର୍ତ୍ତା, ବେଶଭୁଷା.. ଭକ୍ତ ର ମହା ପ୍ରଭୁଙ୍କ ଠାରେ ଥିବା ଅନାବିଳ ଶ୍ରଦ୍ଧା.. କୋଉଠି ଯେମିତି ଟିକେ ବି ଉଣା ହୋଇନି | ନା କମ.. ନା ଅତିରଂଜିତ | ନିଛକ ପ୍ରତିଛବି ଶ୍ରୀମନ୍ଦିର ପରିବେଶ ର | ଏତେ ସୁକ୍ଷ୍ମ ଭାବରେ ଅନୁଧ୍ୟାନ କରି ପ୍ରସ୍ତୁତ କରା ହୋଇଥିବା ସିରିଏଲ ଟିକୁ ଦେଖି ମନ କୁଣ୍ଡେମୋଟ ହୋଇଗଲା | ଗୋଟେ ଉଦାହରଣ ଦେଲେ ଯଥେଷ୍ଟ ହେବ ଏଠି | ସବାରୀ ରେ ଝିଅଟିଏ ଯିବାର ଦୃଶ୍ୟ | ସବାରୀଟି ଚିତ୍ରିତ ହୋଇଛି ଓଡିଆ ପାରମ୍ପରିକ ଚିତ୍ରକଳା ରେ | ତା ସହ ସବାରୀ ବାଲାଙ୍କ "ଧାକୁନ ଧାବଲ " ଗୀତ.. ନିଃସନ୍ଦେହ ଭାବରେ କୁହାଯାଇ ପାରିବ ଯେ ସେତେବେଳର ସମୟକୁ ଚିତ୍ରିତ କରିବାରେ ସଫଳ ହୋଇଛି ଏ ସିରିଏଲ ଟି |

କାହାଣୀ
------

ଜୟଦେବ, ପଦ୍ମାବତୀ, କେତକୀ.. ଏହି ତିନି ମୁଖ୍ୟ ଚରିତ୍ର କୁ ନେଇ ହୋଇଛି ଏ ଅଧ୍ୟାୟ | ଆଉ କିଛି ଚରିତ୍ର ଯେମିତି ବାଉଆଁ, ପରାଶର, ସାହୁକାର ଆଦିଙ୍କୁ ନେଇ ଗତିଶୀଳ ହୋଇଛି କାହାଣୀଟି | କହିବା ବାହୁଲ୍ୟ ଜଗନ୍ନାଥ ହିଁ ମୁଖ୍ୟ ନାୟକ ଏ କାହାଣୀ ରେ |

କେନ୍ଦୁଲି ଗାଁ ବ୍ରାହ୍ମଣ ଶାସନ ର ଛୁଆ ଗୋସେଇଁ ଆଉ ତାଙ୍କ ବାଲ୍ୟ ସଖୀ କେତକୀ | ଛୁଆ ଗୋସେଇଁ ରୁ କବି ଜୟଦେବ ହେବା ପଛରେ ରହିଛି ସଖୀର ଅନୁପ୍ରେରଣା | ବାଳକ ଜୟଦେବକୁ ଲେଖାଲେଖି ଦିଗରେ ପିଲାବେଳୁ ଅନୁପ୍ରେରିତ କରି ଆସିଛି ସଖୀ କେତକୀ | କିନ୍ତୁ ସାଂଗ ମାନଙ୍କ ପରିହାସ ସେ ଯାତ୍ରା ରେ ସୃଷ୍ଟି କରିଛି ଅବରୋଧ | କ୍ରମେ ସମୟ ଗଡି ଚାଲିଛି | ବାଳକ ଜୟଦେବ ହୋଇଛନ୍ତି ଯୁବକ |

ଦିନେ ଦକ୍ଷିଣ ର ଜଣେ ବ୍ରାହ୍ମଣ ନିଜ ପୂର୍ବ ସଂକଳ୍ପ ଅନୁଯାୟି ଆସନ୍ତି ଶ୍ରୀକ୍ଷେତ୍ର | ନିଃସନ୍ତାନ ଥିବା ଏହି ବ୍ରାହ୍ମଣ ସଂକଳ୍ପ କରିଥିଲେଯେ ନିଜ ପ୍ରଥମ ସନ୍ତାନକୁ ଜଗନ୍ନାଥଙ୍କୁ ଅର୍ପଣ କରିବେ | ତେଣୁ  ପୂର୍ବ ସଂକଳ୍ପ ଅନୁସାରେ ନିଜ ପ୍ରଥମ କନ୍ୟା ସନ୍ତାନ  ପଦ୍ମାବତୀଙ୍କୁ 17 ବର୍ଷ ହେଲା ପରେ ଅର୍ପଣ କରନ୍ତି ଜଗନ୍ନାଥଙ୍କ ନିକଟରେ | ଶ୍ରୀମନ୍ଦିର ର ନୀତି ସ୍ବତନ୍ତ୍ର | ଏଠି ମନ୍ଦିରରେ କୌଣସି ନାରୀ ଜଗନ୍ନାଥଙ୍କ ସେବା କରିବାର ପ୍ରଥା ନାହିଁ | ତେଣୁ ପଣ୍ଡାମାନେ କନ୍ୟା କୁ ଫେରେଇ ନେବାକୁ ଉପଦେଶ ଦିଅନ୍ତି | ବ୍ରାହ୍ମଣ କିନ୍ତୁ ନିର୍ବିକାର | ଜଗନ୍ନାଥଙ୍କ ସେବା ରେ ଲାଗି କରିବାକୁ ପଣ କରିଛନ୍ତି ଯେତେବେଳେ ସେ ଆଉ ନିଜ କନ୍ୟା କୁ ଫେରେଇ ନେଇ ପାରିବେ ନାହିଁ | ସମସ୍ୟା ର ସମାଧାନ ହେବ କେମିତି !! ଶେଷକୁ ଜଗନ୍ନାଥଙ୍କ ସ୍ବପ୍ନାଦେଶ ହୋଇଛି | ଏ କନ୍ୟାକୁ ତାଙ୍କ ପରମ ଭକ୍ତ ଜୟଦେବଙ୍କ ସହ  ବିବାହ ଦିଆଯାଉ | ଏ ଦୁଇ ଭକ୍ତଙ୍କ ଦ୍ବାରା ଭବିଷ୍ୟତରେ ଅନେକ କାର୍ଯ୍ୟ ସମ୍ପାଦିତ ହେବାର ଅଛି |

ଏମିତି ଭାବରେ କାହାଣୀ ଆଗକୁ ବଢ଼େ ଜୟଦେବଙ୍କ ମହାକାବ୍ୟ "ଗୀତ ଗୋବିନ୍ଦ" ଲେଖିବାକୁ କେନ୍ଦ୍ରିଭୁତ କରି |

|| ଜୟ ଜଗନ୍ନାଥ ||

ମୋ ଭାଇ ଜଗନ୍ନାଥ

ଆଠ ବର୍ଷର କୁନି ଝିଅଟିଏ । ସ୍କୁଲରେ ପଢ଼େ । ପାଞ୍ଚ ଭଉଣୀଙ୍କ ମଧ୍ୟରୁ ସେ ମଝିଆ । ଭାଇ ନାହିଁ । ସାଙ୍ଗସାଥୀଙ୍କୁ ଦେଖି ବେଳେବେଳେ ମା'ଙ୍କୁ ପଚାରେ ଝିଅଟି,
 
"ମା, ସମସ୍ତଙ୍କର ତ ଭାଇ ଅଛନ୍ତି । ମୋର କଣ ପାଇଁ ଭାଇ ନାହିଁ?" 

ମା' ବୁଝେଇ କୁହନ୍ତି, 

"କିଏ କହିଲା ତୋର ଭାଇ ନାହିଁ ବୋଲି । ତୋ ଭାଇ ପରା ନିଜେ ଜଗନ୍ନାଥ । ସେ ଆମ ସଖା, ସାଥୀ, ସହୋଦର । ଯେ ଯେମିତି ଭାବରେ ତାଙ୍କୁ ଡାକେ, ସେ ସେମିତି ଭାବରେ ତାଙ୍କୁ ପାଏ । ତୁ ତାଙ୍କୁ ତୋର ଭାଇ କର ।"

କୁନି ଝିଅଟି ମା'ଙ୍କର କଥା ଶୁଣି ବୁଝିଯାଏ | ଆଉ ମନେ ମନେ ସ୍ଥିର କରିନିଏ ତା' ଭାଇ ହେଉଛନ୍ତି ଜଗନ୍ନାଥ |

ଦିନେ ସ୍କୁଲ ଗଲାବେଳେ ଝିଅଟି ଦେଖିଲା ଦୋକାନ ମାନଙ୍କରେ ରଙ୍ଗ ବେରଙ୍ଗର ଭଳିକି ଭଳି ରାକ୍ଷୀ ବିକ୍ରି ହେଉଛି| ଆଗକୁ ଆସୁଛି ରାକ୍ଷୀ ପୂର୍ଣ୍ଣିମା | ସାଙ୍ଗମାନେ କିଏ କେଉଁ ରଙ୍ଗର, କେଉଁ ପ୍ରକାରର ରାକ୍ଷୀ ସବୁ କିଣିବେ ତାହା କଥାବାର୍ତ୍ତା ହେଉଥାନ୍ତି | କିଏ କହୁଥାଏ ମୁଁ ଏ ଲାଲ ରଙ୍ଗର ରାକ୍ଷୀ କିଣିବି ତ ଆଉ କିଏ କହୁଥାଏ ମୁଁ ଏ ହଳଦି ରଙ୍ଗର | କୁନିଝିଅଟି କିନ୍ତୁ ଭାବୁଥାଏ କେମିତି ସେ ବାନ୍ଧିବ ରାକ୍ଷୀ ତା ଭାଇ ହାତରେ | ସେ ତ ଭାଇ କରିଛି ଏମିତି ଜଣଙ୍କୁ, ଯିଏ ରହୁଛି ତା ଠାରୁ ବହୁ ଦୁରରେ | ଦୂର ନୀଳାଚଳରେ | ଝିଅଟି ସ୍ଥିର କଲା ତା ଭାଇକୁ ସେ ରାକ୍ଷୀ ପଠାଇବ ଡାକରେ..

                          **********     

ଜଗନ୍ନାଥ ମନ୍ଦିର, ପୁରୀ | ରାତି ପ୍ରାୟ ଦଶଟା କି ଏଗାରଟା ହେବ | ରେଖା ପଞ୍ଚମୀ ପାଇଁ ପ୍ରଭୁଙ୍କ ଅଳଙ୍କାର ମରାମତି କାମ ଚାଲିଥାଏ | ନାଭିକଟା ମଣ୍ଡପରେ ବସି ସେ କାମକୁ ତଦାରଖ କରୁଥାନ୍ତି ଶ୍ରୀମନ୍ଦିରର ଜଣେ ପ୍ରଶାସକ | ରାକ୍ଷୀ ପୂର୍ଣ୍ଣିମା ଓ ବଳଦେବ ଜନ୍ମ ପାଇଁ ଆଜି ମନ୍ଦିରରେ ଦିନସାରା ଅନେକ ଭିଡ଼ | ଯଦିଓ ଗହଳ ଚହଳ ଏବେ କମି ଆସିଲାଣି | କିଛି ସମୟ ପରେ ମହାପ୍ରଭୁଙ୍କ ଶୟନ ନୀତି ଆରମ୍ଭ ହେବ | 

କେହି ଜଣେ କର୍ମଚାରୀ ଆସି ବଢ଼ାଇ ଦେଲା ଏକ ଲଫାଫା ପ୍ରଶାସକଙ୍କ ହାତକୁ | ପ୍ରାୟତଃ ଚିଠି ସବୁ ମନ୍ଦିର ଅଫିସକୁ ଆସିଥାଏ | ଡାକବାଲା ସବୁ ଚିଠି ଦିନବେଳା ଅଫିସରେ ଦେଇଯାଇଥାଏ |

ଏ ସମୟରେ କିଏ ଆଉ ଚିଠିଟି ଦେଲା !!  

ଲଫାଫା ଖୋଲି ଦେଖିଲେ ପ୍ରଶାସକ | ଭିତରେ ଥିଲା ଗୋଟେ ପାଞ୍ଚ ଟଙ୍କିଆ ନୋଟ ସହ ଏକ ଚିଠି | ଚିଠିଟି କଲମ କାଳିରେ ଲେଖା ଯାଇଥିଲା ବୋଧେ | କିଛି ଅକ୍ଷର ପାଣି ପଡି ଝାପସା ଲିଭି ଯାଇଥାଏ |

"ମହାଶୟ, ମୁଁ ଅତ୍ୟାଶା | ଆମ ଘର ଜଗତସିଂହପୁରରେ | ଆମେ ପାଞ୍ଚ ଭଉଣୀ | ଆମର ଭାଇ ନାହିଁ | ମୁଁ ପ୍ରଭୂ ଜଗନ୍ନାଥଙ୍କୁ ମୋ ଭାଇ କରିଛି | ଆପଣଙ୍କୁ ଅନୁରୋଧ ରହିଲା, ଏ ଲଫାଫାରେ ଥିବା ପଇସାରେ ଗୋଟେ ରାକ୍ଷୀ କିଣି ରାକ୍ଷୀ ପୂର୍ଣ୍ଣିମା ଦିନ ମହାପ୍ରଭୁ ଜଗନ୍ନାଥଙ୍କୁ ପିନ୍ଧାଇ ଦେବେ | 
ମୁଁ ଆପଣଙ୍କର ଅନେକ ଲେଖା ପତ୍ର ପତ୍ରିକାରେ ପଢ଼ିଛି | ସେଇଠାରୁ ଆପଣଙ୍କ ଠିକଣା ପାଇ ଏ ଚିଠି ପଠାଉଛି | ..." 

ଚିଠିଟି ପଢି ଆଖି ଛଳଛଳ ହୋଇଗଲା ପ୍ରଶାସକଙ୍କର | ଆଉ ଟିକେ ଡେରି ହୋଇଥିଲେ ବୋଧେ ଏ ଚିଠି ପଠାଇଥିବା ଝିଅଟିର ଅନୁରୋଧ ସେ ପୁରଣ କରିପାରି ନଥାନ୍ତେ | କର୍ମଚାରୀକୁ ଡାକି ପଚାରିଲେ କିଏ ଏ ଚିଠି ଆଣିଥିଲା ବୋଲି | କର୍ମଚାରୀ କହିଲା ମୋତେ ଅମୁକ ଲୋକ ଦେଇଥିଲା | ସେ ଲୋକକୁ ପଚାରିବାରୁ ସେ କହିଲା ମୋତେ ସମୁକ ଲୋକ ଦେଇଥିଲା | ହେଲେ ଚିଠିଟି ଡାକବାଲା ହାତରୁ କେମିତି କାହା ପାଖକୁ ଆସିଲା, ତାହାର କୌଣସି ସନ୍ତୋଷଜନକ ଉତ୍ତର ମିଳିଲାନି | 

ଶ୍ରୀମନ୍ଦିରର ଜଣେ ପ୍ରଶାସକ ହୋଇଥିବାରୁ ପଣ୍ଡା ସେବାୟତଙ୍କ ସହ ଭଲ ସମ୍ପର୍କ ଥାଏ ତାଙ୍କର | ଝିଅଟି ପଠାଇଥିବା ପଇସାରେ ସେ ଦୁଇଟି ରାକ୍ଷୀ ଓ ଗୋଟେ ଦୀପ କିଣି ସେବାୟତଙ୍କୁ ଦେଲେ ଆଉ ଅନୁରୋଧ କଲେ ରାକ୍ଷୀକୁ ଜଗନ୍ନାଥ ଓ ବଳଭଦ୍ରଙ୍କ ହାତରେ ବାନ୍ଧିଦେବା ପାଇଁ | 

ସେବାୟତମାନେ ରାକ୍ଷୀ ଦୁଇଟି ଜଗନ୍ନାଥ ଓ ବଳଭଦ୍ରଙ୍କ ହାତରେ ବାନ୍ଧି ଦେଉଥିବା ବେଳେ ପ୍ରଶାସକଙ୍କର ଆଖିକୋଣରୁ ଝରି ଯାଉଥାଏ ଧାର ଧାର ହୋଇ ଦୁଇଧାର ଲୁହ | 

ଧନ୍ୟ ତୁମେ ଲୀଳାମୟ..

( ମୂଳଲେଖାଟି "ପ୍ରମେୟ" ଖବରକାଗଜରେ ପ୍ରକାଶିତ ହୋଇଥିଲା, ଯାହା ବହୁତ ହୃଦୟସ୍ପର୍ଶୀ ହୋଇଥିଲା | ଯେତିକି ମନେ ରଖିଛି ତାହାକୁ ନିଜ ଭାଷାରେ ଓ ନୂଆ ରୁପରେ ଲେଖିବାକୁ ଚେଷ୍ଟା କରିଛି ମାତ୍ର )

|| ଜୟ ଜଗନ୍ନାଥ ||